​బాల్య వివాహాన్ని అడ్డుకున్న అధికారులు: పదో తరగతి విద్యార్థినికి విముక్తి

డాక్టర్ బి.ఆర్. అంబేద్కర్ కోనసీమ జిల్లా రామచంద్రపురం నియోజకవర్గం పరిధిలోని బాలింతరం గ్రామంలో అధికారులు సకాలంలో స్పందించి ఓ బాల్య వివాహాన్ని అడ్డుకున్నారు.

​గ్రామానికి చెందిన 15 ఏళ్ల పదో తరగతి చదువుతున్న బాలికకు, 36 ఏళ్ల వ్యక్తితో ఈ నెల 26న వివాహం జరిపించేందుకు కుటుంబ సభ్యులు నిశ్చితార్థం పూర్తి చేసి ఏర్పాట్లు చేసుకున్నారు. ఈ విషయం బాలల హక్కుల పరిరక్షణ కమిషన్ దృష్టికి రావడంతో కమిషన్ సభ్యులు డాక్టర్ నాగమాంస, గంగ సూర్యనారాయణ రంగంలోకి దిగారు.

​పోలీస్, రెవెన్యూ, అంగన్‌వాడీ విభాగాల అధికారులు, చైల్డ్ హెల్ప్‌లైన్ సిబ్బందితో కలిసి గ్రామానికి చేరుకున్న అధికారులు ఇరు కుటుంబాలకు చట్టపరమైన నిబంధనలు, బాల్య వివాహాల దుష్పరిణామాలపై కౌన్సిలింగ్ నిర్వహించారు. అనంతరం ఆ వివాహాన్ని రద్దు చేయించారు.

​బాలిక చదువు మధ్యలోనే ఆగిపోకుండా ఉండేందుకు (డ్రాపౌట్ కాకుండా) అధికారులు పాఠశాల హెచ్ఎంతో నాగ మానస మాట్లాడారు. బాలికను తిరిగి సోమవారం పాఠశాలలో చేర్పించి విద్యాభ్యాసం కొనసాగేలా అన్ని చర్యలు తీసుకుంటున్నట్లు అధికారులు స్పష్టం చేశారు.